Prag Van Verskil (CD)

    Prag Van Verskil (CD)

    Neville D
    Free National Shipping on Orders over R450!
    Dispatch within 24 working hours
    R89.95

    Ervaar die prag van verskil saam met Neville D.

    Prag van Verskil: Seisoen 2, is die tweede aflewering van die gospel kunstenaar en Dove Toekenning benoemde, Neville D. Seisoen 2 bestaan uit twee albums: ’n Afrikaans album getitel Prag Van Verskil en ’n Engelse album, albei lewendig opgeneem by die Lifehouse Church in Kaapstad. In 2016 word Prag van Verskil Seisoen 2 vrygestel, ’n aand van lofsang, die energieke en gesalfde lewendige konsertopname met albei tale op DVD.

    Sedert die vrystelling van Prag van Verskil Seisoen 1 in 2014, het Neville D ’n pad geloop om te wys wat die titel werklik beteken. Seisoen 2 ondersoek die pragtige verskille van ras en kleur tot die verskille tussen kulture en generasies. Die mees ooglopende uitdrukking van hierdie temas is te vinde in die 75-lid Prag van Verskil koor wat hy saamgebring het. Hy sê, “Dit is vol mans, vrouens, seuns en dogters van alle rasse en tale, en daar is geen manier waarop jy nie die prag van die verskil kan ervaar nie.”

    Gedurende Neville D se grootwordjare in die Cape Flats, kon gospel staatmakers soos Tommy Saaiden en Simon Seekoei se musiek dag en nag op die Deidrick-gesin se platespeler gehoor word. Met sy fokus op die prag van generasieverskille kon Neville D nie aan ’n beter manier dink as dat sy plaaslike invloede wat sy musiekloopbaan gevorm het saam met hom op die verhoog klim vir die opname van Seisoen 2 nie.

    Die liedjies op die Afrikaanse album wat uitstaan sluit in Ek Vertel Jesus, Die Liefde van Jesus, en My Siel Sê Ja, saam met die kragtige stemme van gaskunstenaars Charisma & Jonathan Rubain. Die Engelse album pryk met liedjies soos No Body, Our God is bigger en God of the Universe. Idols wenner Khaya Mthethwa sing saam met Neville D vir die treffer Our God Is Awesome. Legendariese Jazz Diva Judith Sephuma span kragte saam met Neville D vir die liedjie Beauty Of Difference, en Patrick Duncan sing saam met Neville D die liedjie wat hy geskryf het tydens die Xenofobiese aanvalle, Pray.

    ’n Merkwaardige boodskap blyk uit die sukses van die opname van Seisoen 2…mense het mense nodig. Neville verduidelik “Van die organisasies tot by die fynere besonderhede van die geleentheid self… mense erken soms nie dat mense ander mense nodig het nie, want dit klink soos swakheid, maar ek glo die teenoorgestelde. Dit word ’n sterkpunt as jy kan erken waar jou kennis eindig en waar ander s’n begin … nog ’n mooiheid van verskil”. Neville D benadruk die volgende vir mense wat sukses wil bereik in enige aspek van die lewe, “bly altyd onderrigbaar…deur God, en mense van alle ouderdomme”.

    Oor Neville D

    Neville D het begin kitaar speel op die ouderdom van 12. Hy is reeds meer as 10 jaar ’n musikant, spreker, lofprysingsleier, liedjieskrywer en uitgewer. Hy is ’n goed afgeronde kunstenaar van formaat. Sy talent het bekend geword met sy eerste album Calling My Name in 1999, gevolg deur Until the Whole World Knows, The Back to Church Project en The Gospel according to Cape Town (saamgestelde album).

    As liedjieskrywer het hy al treffers geskryf vir kunstenaars soos Judith Sephuma (A call) en Israel Houghton (Identity). Hy het al die verhoog gedeel met kunstenaars en musikante soos Keith Sweat, Deborah Cox, Joe, Ernie Smith, Musa Manzini, Rebecca Malope, The Cape Town Symphony Orchestra en Allou April.