Helena Omnibus 3 (Sagteband)

    Helena Omnibus 3 (Sagteband)

    Helena Hugo
    Free National Shipping on Orders over R450!
    Dispatch within 24 working hours
    R300.00

    n Splinternuwe omnibus deur top Afrikaanse romanskrywer Helena Hugo. Hierdie omnibus bestaan uit Want liefde maak lig, Liefde weeg die swaarste en Liefde maak heel.

    Want liefde maak lig is die boeiende verhaal van die 35-jarige Isabelle Karsten wat met ’n swak selfbeeld worstel weens haar gewig. Sy is die persoonlike assistent van senior advokaat Johann Steyl. Toe sy seun, Johann junior, uit Amerika terugkeer, bedank sy en kry ’n ander pos by ’n kerk. Daar ontmoet sy die jeug predikant, Adam Wiese, wat haar begin uitneem. Sy wend ook 'n daadwerklike poging aan om gewig te verloor deur vir 'n paar maande by 'n spa in te boek.

       In Liefde weeg die swaarste is Isa baie verlief op die jong predikant Adam. Tog twyfel sy oor hom. Uit nood begin sy bid, maar besef dat haar geloofslewe te kort skiet. Isa ondergaan ’n metamorfose, maar moet stry met haar ou gevoelens vir Johann Steyl, wat intussen by haar begin aanlê het.

       In Liefde maak heel leer Isa dat sy net bevry kan word as sy God se geskenk vir die mensdom na waarde ag toe Hy besluit het om sy Seun vir haar sondes te gee. Kos was altyd haar pynstiller en vandat sy dit nie meer het nie, gryp sy na ander verdowingsmiddels soos inkopies en dobbel. In die proses lei sy ’n dubbele lewe. Gaan Isa haar diepste seer bly wegsteek of die moeilike proses aanpak om jare lange verwerping te verwerk?

    Oor die Skrywer

    Helena Hugo is ’n gewilde romanskrywer en het al verskeie romans die lig laat sien waaronder ook Dit gebeur met ander, Die pad na Weerbegin en Die kleur van verlange. Sy is ’n bekende naam in die uitsaaiwese en talle van haar radiodramas is al uitgesaai. Sy was ook al aktrise, dramadosent en uitgewer. Sy is getroud met die akteur en oud-televisieregisseur, Henk Hugo. Hulle woon in Roodepoort.